Procedura e marteses ne gjendjen civile si edhe dokumentacioni i nevojshem

Martesa lidhet publikisht përpara nëpunësit të gjendjes civile, të cilit i është bërë kërkesa për shpallje.Në qoftë se njeri nga bashkëshortet për shkak të sëmundjes, ose për ndonjë pengesë tjetër të justifikuar, është në pamundësi për të shkuar në zyrën e gjendjes civile të komunës ose bashkisë, atëherë nëpunësi i gjendjes civile shkon në vendin ku ndodhet bashkëshorti (bashkëshortja) që ka pengesë dhe lidh martesën.

Dokumentacioni për lidhje martese mes dy shtetasve shqiptarë

Personi që kërkon të lidhë martesën duhet t’i paraqesë nëpunësit të gjendjes civile:
Çertifikatën e lindjes të lëshuar për efekt lidhje martese.

Kjo çertifikatë merret vetëm pasi të jetë plotësuar afati i shpalljes së martesës.

Dokumentacioni për lidhjen e martesës kur njeri nga shtetasit është i huaj

Në rastin e lidhjes së martesës, kur njëri nga shtetasit është i huaj, duhen paraqitur:

1. Çertifikatë lindje në modelin ndërkombëtar (me emrat e prindërve)
2. Çertifikatë që nuk ka pengesë ligjore në vendin e tij për lidhje martese (vërtetim për leje lidhje martese)
3. Çertifikatë për vendbanimin
4. Pasaportë

Këto dokumenta duhet të jenë me vulën apostille, ndërsa për shtetet e poshtëshënuara të vulosura në ambasadë/konsullatë: Gjermani, Greqi, Itali, Belgjikë, Spanjë.
Afati i përdorimit të këtyre dokumentave për lidhje martese është tre muaj me përjashtim të vendeve që kanë marrëveshje të veçantë, si dhe kur mënyra dhe një afat tjetër të përcaktuar në marrëveshje dy-palëshe ose shumëpalëshe.

Mundesuar nga: DREJTORIA E PERGJITHSHME E GJENDJES CIVILE